منتديات قهوهـ تركيه

أهلا وسهلا بكم في منتديات قهوهـ تركيه .. تحياتي لكم .. قهوهـ تركيه
 
الرئيسيةالبوابةس .و .جبحـثالتسجيلالأعضاءالمجموعاتدخول

شاطر | 
 

 نمر بن عدون

اذهب الى الأسفل 
كاتب الموضوعرسالة
ببسيه بنت كولا
+][ قهوهـ جديدهـ ][+
+][ قهوهـ جديدهـ ][+


عدد الرسائل : 55
تاريخ التسجيل : 01/11/2007

مُساهمةموضوع: نمر بن عدون   الخميس نوفمبر 01, 2007 4:35 am

البارحه يوم الخلايق نيامـا &&& بيّحـت مـن كثـر البكـى كـل مكنـون

قمت أتوجّد وأنثر الما على ما &&& من فوق عينـي دمعهـا كـان مخـزون

ولي ونة ٍ من سمعَها ما يناما &&& كني صويـب ٍ بيـن الأضـلاع مطعـون

و إلا كمـا ونـة كسيـر السْلامـا &&& خلّـوه ربعـه للمعاديـن مديـون

في ساعة ٍ قل الرجـا والمحامـا &&& فيمـا يطالـع يومهـم عنـه يقفـون

و إلا فـونة راعبـيّ الحمامـا &&& غـاد ٍ ذكرهـا والقوانيـص يرمـون

تسمع لها بين الجرايد حطامـا &&& مـن نوحهـا تـدع ِ المواليـف يبكـون

و إلا خلوج ٍ سابة ٍ للهياما &&& على حوار ٍ ضايـع ٍ فـي ضحـى الكـون

و إلا حوار ٍ مشْيِقوا له شمامـا &&& وهـي تطالـع يـوم جـرّوه بعيـون

يردون مثلـه والضوامـي صيامـا &&& ترزّمـوا معهـا وقامـوا يحنّـون

و إلا رضيع ٍ جرّعـوه الفطامـا &&& أمـه غـدت قبـل أربعينـه يتمّـون

عليك ياللي شربت كاس المحامـا &&& صـرف ٍ بتقديـر ٍ مـن الله مـاذون

جاه القضا من بعد شهر الصياما &&& صافي الجبيـن بثانـي العيـد مدفـون

كسوه من عرض الخرق ثوب خاما &&& و قاموا عليه من الترايـب يهلّـون

راحوا بها حروة صلاة اليِمامـا &&& عنـد الدفـن قامـوا لهـا الله يدعـون

برضاه والجنه وحسن الختامـا &&& ودمـوع عينـي فـوق خـدي يهلّـون

حطّوه في قبر ٍ عساه الهياما &&& في مهمة ٍ مـن عـد الأمـوات مسكـون

يا حفرة ٍ يسقي ثراك الغمامـا &&& مـزن ٍ مـن الرحمـه عليهـا يصبّـون

جعل البخَتري والنفل والخزامى &&& ينبت علـى قبـر ٍ هـو فيـه مدفـون

مرحوم ياللي ما مشى بالملاما &&& جيـران بيتـه راح مـا منـه يشكـون

وا وسع عذري وان هجرت المناما &&& ورافقت من عقب العقل كل مجنون

أخذت انا ويّاه سبعة عواما &&& مـع مثلهـن فـي كيفـة ٍ مـا لهـا لـون

والله كنها يا عرب صرف عاما &&& يا عونة الله صـرف الأيـام وشلـون؟

و أكبر همومي من بزور ٍ يتامـا &&& و إن شفتهـم قـدام وجهـي يبكّـون

و ان قلت لا تبكون قالوا علاما؟ &&& نبكـي ويبكـي مثلنـا كـل محـزون

قلت السبب تبكون؟ قالـوا يتامـا &&& قلـت اليتيـم أيـاي وانتـم تسجّـون

مع البزور وكل جـرح ٍ يلامـا &&& إلا جـروح بخاطـري مـا يطيبـون

جرحي عميق ٍ مثل كسر السلاما &&& الى مكَـن.. عنـه الأطبّـا يعجـزون

قمت اتشكّى عند ربع ٍ عذامـا &&& جونـي علـى فرقـا خليلـي يعـزّون

قالوا تجوّز وانس لامه بلاما &&& بعض العـذارى عـن بعضهـن يسلّـون

قلت انها لي وفّقـت بالولامـا &&& ولـو جمعتـوا نصفهـن مـا يسـدّون

ما ظنّتي تلقون مثله حرامـا &&& أيضـا ولا فيهـن علـى السـر مامـون

و أخاف انا من غاديات الذماما &&& اللي علـى ضيـم الدهـر مـا يتاقـون

أو خبلة ٍ ما عقلها بالتماما &&& تضحك وهـي تلـدغ علـى الكبـد بالهـون

توذي عيالي بالنهر والكلامـا &&& و أنـا تجرّعنـي مـن المـر بصحـون

والله يا لولا هالصغار اليتاما &&& و أخشى مـن السكّـه عليهـم يضيعـون

لا أقول كل البيض عقبه حراما &&& و أصبر كما يصبر على الحبس مسجون

عليه مني كل يـوم ٍ سلامـا &&& عـدّت حجيـج البيـت واللـي يطوفـون

وصل على سيّد جميع الأناما &&& على النبـي ياللـي حضرتـوا تصلـون
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
$$Mi رجهـ
+][ المديرهـ _ العامهـ _ ][+
+][ المديرهـ _ العامهـ _ ][+


عدد الرسائل : 55
تاريخ التسجيل : 12/10/2007

مُساهمةموضوع: رد: نمر بن عدون   الخميس نوفمبر 01, 2007 4:43 am

ياززززززززززززززززززينها والله

بس اذا غناها رااشد تصير احللى

يشلموو غلاي ع القصيدهـ الحلووهـ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سحليه في التحليه
+][ قهوهـ فعال ][+


عدد الرسائل : 173
تاريخ التسجيل : 21/10/2007

مُساهمةموضوع: رد: نمر بن عدون   الخميس نوفمبر 01, 2007 6:49 am

ايه والله انك صادقه يا عربجيه

ومسكوره على القصيده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنت صقور ماعليها قصور
+][ المديرهـ _ العامهـ _ ][+
+][ المديرهـ _ العامهـ _ ][+


عدد الرسائل : 22
تاريخ التسجيل : 15/11/2007

مُساهمةموضوع: رد: نمر بن عدون   الخميس نوفمبر 15, 2007 4:34 am

صــراحه
رووعه
يثلمــوو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ببسيه بنت كولا
+][ قهوهـ جديدهـ ][+
+][ قهوهـ جديدهـ ][+


عدد الرسائل : 55
تاريخ التسجيل : 01/11/2007

مُساهمةموضوع: رد: نمر بن عدون   الجمعة نوفمبر 16, 2007 1:08 am

سلمووو ع الرد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نمر بن عدون
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قهوهـ تركيه :: +][ منتديات الادبيه ][+ :: ღ قهوهـ تركيه لفيض الحروف ღ-
انتقل الى: